C'l artìcul chè 'l è scrit in
Pramsân |
Guillaume du Tillot (1711-1774) l'è stè primm ministor dal duchè 'd Pärma sòtt' al duca Filip.
L'è nassù in Francia (Franza) a Bayonne al 22 'd maj dal 1711. L'à studiè a Parigi e pò l'è 'ndè a stär a Madrid, indò l'à principiè a lavorär par Filip, al fiól dal re 'd Spagna.
Quand Filip l'è dvintè duca 'd Pärma anca Du Tillot al gh'è andè drè, dal 1749. A Pärma l'è dvintè primma Intendent 'd la Ca Ducäla, pò ministor 'd l'economia, e dal 1759 primm ministor. Dal 1754 al duca al gh'à dè al titol äd Marchez 'd Flén.
Mo quand à cominciè a comandär al nóv duca Fardinando (al fiól dal duca Filip, ch' l'era mort), al Du Tillot l'è caschè in disgrasia e a gh'è tochè tornär d'indò l'era gnu: primma in Spagna (dal 1771) e pò in Francia. L'è mort a Parigi dal 1774.